શીતળા સાતમના પવિત્ર દિવસે નવસારીના સોમનાથ મંદિર પરિસરમાં મહિલાઓએ રાસ ગરબા રમ્યા. આ પ્રસંગે મોટી સંખ્યામાં બહેનો એકત્ર થઈ હતી. આ પરંપરા શાંતાદેવી રોડ વિસ્તારમાં પાંચ દાયકાથી ચાલી રહી છે. પહેલા આ ગરબામાં મહિલાઓ જાતે ઢોલ વગાડતી અને ગરબા લેતી હતી. હવે ડીજેના તાલે માતાજીના ભજનો પર ગરબા રમાય છે. આ પરંપરામાં હવે ઉત્તર ગુજરાતના ઘણા પરિવારો પણ જોડાયા છે. જૈન પરિવારો પણ આ ઉત્સવોમાં ઉત્સાહભેર ભાગ લે છે. શાંતાદેવી રોડ વિસ્તારના આગેવાનોનો સહયોગ આવા કાર્યક્રમોને હંમેશા મળતો રહે છે.