નવસારીના BAPS મંદિરમાં હાટડી ઉત્સવ ઉજવાયો:પ્રબોધિની એકાદશીએ શાકભાજી અને ફળ ભગવાનને અર્પણ કરાયાં

📅 Published: November 22, 2026 | 📂 Category: gujarati-news

નવસારીના BAPS સ્વામિનારાયણ મંદિરમાં પ્રબોધિની એકાદશીએ હાટડી ઉત્સવ ઉજવાયો. આ પ્રસંગે શાકભાજી અને ફળ ભગવાનને અર્પણ કરાયાં. વર્ષાઋતુમાં ખેતરોમાં અનાજ અને કઠોળ વાવવામાં આવે છે. નવા વર્ષે આ પાકમાંથી બનાવેલી વાનગીઓ અન્નકૂટ તરીકે ભગવાનને ધરાવવામાં આવે છે. એ જ રીતે ખેતરોમાં પાકેલી શાકભાજી અને ફળ દેવઉઠી એકાદશીએ ભગવાનને અર્પણ કરાયાં. આ દિવસે નાળિયેરના અડધા વાટકામાં કપાસિયા અને તેલ ભરી આરતી કરવામાં આવી. હરિભક્તોએ ભગવાનના હાટેથી શાકભાજી પ્રસાદ તરીકે મેળવી અને ઘરે લઈ ગયા. ઉત્સવના અંતે જાહેરાત કરાઈ કે મહંત સ્વામી મહારાજ 1થી 14 ડિસેમ્બર દરમિયાન નવસારી આવશે. ભક્તોને તેમના સત્સંગ, દર્શન અને આશીર્વાદનો લાભ મળશે.


📱 Share on WhatsApp 🌐 View Original Article

Leave a Reply

Your email address will not be published. Required fields are marked *