અમદાવાદના રસ્તા જાણે કે રન વે હોય તેમ એક પાયલટ યુવકે લો ગાર્ડન પાસે પૂરઝડપે મોંઘીદાટ પોર્શે કાર 100થી વધુની સ્પીડે દોડાવી હતી. આ કારની રફતારના કારણે બે યુવકોના જીવ બચી ગયા હતા. અરકાન તિરમિઝી નામનો યુવક જ્યારે પ્લેનની જેમ પોર્શે ‘ઉડાવી’ નીકળ્યો ત્યારે લોકો ફફડી ઉઠ્યા હતા. આંખના પલકારામાં જ લક્ઝુરિયસ કાર નીકળી જતા અનેક વાહન ચાલકોના જીવ જોખમમાં મૂકાયા હતા. યુવકોની અરજીના પગલે નવરંગપુરા પોલીસે ફરિયાદ નોંધી કાર જપ્ત કરી અરકાન તિરમિઝીની ધરપકડ કરી હતી. સાથે જ 300ની સ્પીડે કાર ચલાવતા વાઇરલ વીડિયો અંગે પણ તપાસ હાથ ધરાઈ છે. પાયલટનું રફ ડ્રાઇવિંગ, 3 તસવીરમાં જુઓ શ્રેયાંશની ગાડીના ડેશ કેમમાં પૂરઝડપે જતી પોર્શેનો વીડિયો કેદ
HCG હોસ્પિટલથી લો ગાર્ડન પાસેના રસ્તા પર શ્રેયાંશ નામનો યુવક કામ પતાવી ગાડીમાં જઈ રહ્યો હતો ત્યારે પૂરઝડપે વાયુવેગે એક પોર્શે કાર આવી હતી. આ કારની સ્પીડ એટલી હતી કે તેનાથી શ્રેયાંશનો જીવ માંડ બચી શક્યો હતો. શ્રેયાંશની ગાડીના ડેશ કેમમાં પૂરઝડપે જઈ રહેલી પોર્શે ગાડીનો વીડિયો કેદ થયો હતો જેના આધારે શ્રેયાંશે પોલીસને અરજી આપી હતી. કાર જપ્ત કરી ચાલક સામે ગુનો નોંધ્યો
અરજી આપ્યાના બે દિવસ બાદ વીડિયો વાઇરલ થતા નવરંગપુરા પોલીસે તપાસ શરૂ કરી પોર્શે કારનો નંબર મેળવ્યો હતો. નંબરના આધારે કાર માલિકને પોલીસ સ્ટેશન બોલાવ્યો હતો. કાર માલિક આવતા પોલીસે કાર જપ્ત કરીને કાર ચાલક સામે બેદરકારી પૂર્વક લોકોના જીવ જોખમમાં મુકાય તે અંગેનો ગુનો નોંધી તપાસ હાથ ધરી છે. પાયલટે અરજી પરત લેવા ખૂબ જ ધમપછાડા કર્યા
આ બનાવ બન્યા બાદ અરજી કરનાર યુવક શ્રેયાંશને કાર ચાલકે સંપર્ક કર્યો હતો. કાર ચાલકે પોતાની ઓળખ પાયલટ તરીકે આપી હતી અને કારની સ્પીડ બનાવ સમયે 110 હોવાની પણ કબૂલાત કરી હતી. કાર ચાલકે અરજી પરત લેવા ખૂબ જ ધમપછાડા કર્યા હતા.