બાંગ્લાદેશના પૂર્વ ચીફ એડવાઇઝર મહંમદ યુનુસને અમેરિકાના ન્યૂયોર્ક એરપોર્ટ પર વિરોધનો સામનો કરવો પડ્યો. એરપોર્ટ પર હાજર કેટલાક લોકોએ તેમને ઘેરી લીધા અને ‘આતંકવાદી’ કહ્યા. લોકોએ તેમના પર બાંગ્લાદેશમાં હત્યાઓ કરાવવાનો અને લોકશાહીને બરબાદ કરવાનો આરોપ લગાવ્યો. તેમણે યુનુસને કહ્યું કે તમે અહીં શા માટે આવ્યા છો, પાછા જાઓ. ઘટનાનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં કેટલાક લોકો યુનુસ વિરુદ્ધ નારા લગાવતા અને તેમને સવાલો પૂછતા જોવા મળી રહ્યા છે. પરિસ્થિતિને જોતા યુનુસ અને તેમની સહયોગી લામિયા મોરશેદને એરપોર્ટની અંદર પાછા લઈ જવામાં આવ્યા. પ્રદર્શનકારીઓએ હજારો લોકોના મોતનો આરોપ લગાવ્યો સરકારે કહ્યું- યુનુસને ઘેરનારાઓ સામે કાર્યવાહી કરીશું બાંગ્લાદેશના વડાપ્રધાન તારિક રહેમાનના સલાહકાર જાહેદ ઉર રહેમાને મંગળવારે જણાવ્યું કે ન્યૂયોર્ક એરપોર્ટ પર મોહમ્મદ યુનુસને ઘેરનારાઓ સામે કાર્યવાહી કરવામાં આવશે. તેમણે આ ઘટનાને ‘અવામી લીગનો આતંક’ ગણાવ્યો. જાહેદે વિદેશમાં રહેતા અવામી લીગના સભ્યોને ચેતવણી આપી કે જો તેમણે આવી હરકત કરી, તો તેમને પણ કાર્યવાહીનો સામનો કરવો પડશે. જોકે, તેમણે એ જણાવ્યું નથી કે યુનુસનો વિરોધ કરનારાઓ સામે કયા કાયદા હેઠળ કાર્યવાહી કરવામાં આવશે. યુનુસના કાર્યકાળ દરમિયાન હિંસા અને ધરપકડો અંગે ઉઠેલા સવાલો શેખ હસીનાની સરકારના પતન બાદ 8 ઑગસ્ટ 2024ના રોજ મોહમ્મદ યુનુસે વચગાળાની સરકારની કમાન સંભાળી હતી. તેમના કાર્યકાળ દરમિયાન બાંગ્લાદેશમાં હિંસા અટકી નહોતી. હિન્દુઓ અને તેમના ધાર્મિક સ્થળો પર હુમલા થયા, લોકોની ધરપકડ કરવામાં આવી અને કસ્ટડીમાં મોતના મામલા સામે આવ્યા. અવામી લીગે આરોપ લગાવ્યો કે યુનુસ સરકારે તેના નેતાઓ અને સમર્થકોને નિશાન બનાવ્યા. માનવાધિકાર સંગઠનોએ પણ હિંસા અને કસ્ટડીમાં કથિત દુર્વ્યવહારના મામલાઓમાં જવાબદારી નક્કી કરવાની માંગ કરી હતી. હસીનાની સરકાર પડ્યા બાદ દોઢ વર્ષ સુધી સત્તામાં રહ્યા યુનુસ ઑગસ્ટ 2024માં શેખ હસીનાની સરકાર પડ્યા બાદ યુનુસે વચગાળાની સરકારનું નેતૃત્વ કર્યું. તેમની સરકાર લગભગ દોઢ વર્ષ સુધી સત્તામાં રહી. 2025માં બાંગ્લાદેશની એક વિશેષ ટ્રિબ્યુનલએ શેખ હસીનાની ગેરહાજરીમાં કેસ ચલાવીને તેમને મૃત્યુદંડની સજા સંભળાવી. યુનુસની સરકારે અવામી લીગ પર પ્રતિબંધ મૂક્યો અને ભારત પાસેથી હસીનાને બાંગ્લાદેશ મોકલવાની માગ કરી. ————————- આ સમાચાર પણ વાંચો… અઝરબૈજાનમાં 96% મુસ્લિમ વસ્તી, છતાં હિજાબ પર પ્રતિબંધ મૂકાયો: વિદ્યાર્થિનીઓએ સરકારના નિર્ણયનો વિરોધ કર્યો; પાડોશી દેશ તુર્કિયેમાં પણ પ્રદર્શન મુસ્લિમ બહુમતી ધરાવતા દેશ અઝરબૈજાનમાં શાળાઓમાં હિજાબ પહેરવા અંગે વિવાદ શરૂ થયો છે. સરકારે શાળાઓના ડ્રેસ કોડમાં ફેરફાર કર્યો છે. નવા નિયમો હેઠળ એવા કપડાં પહેરવા પર પ્રતિબંધ મૂકવામાં આવ્યો છે, જેને સરકાર ધર્મનિરપેક્ષતાની વિરુદ્ધ માને છે. આખા સમાચાર અહીં વાંચો…