વલસાડમાં 23 જુલાઈ, 2026ના પૂર દરમિયાન માનવતાની સેવા બદલ વલસાડ મુસ્લિમ સમાજ ટ્રસ્ટની ટીમને સન્માનિત કરાઈ. ટીમે પૂર પીડિતોને 5,000થી વધુ ફૂડ પેકેટ, 3,000થી વધુ રેશન કિટ અને 1,000થી વધુ ગાદલા પહોંચાડ્યા હતા.આ સન્માન વાપી ખાતે દિવ્ય ભાસ્કર અને વલસાડ જિલ્લા પોલીસ વિભાગ દ્વારા અપાયું. કેબિનેટ મંત્રી કનુભાઈ દેસાઈના હસ્તે ટ્રસ્ટને બિરદાવવામાં આવ્યું. DSP અને કલેક્ટર સહિતના અધિકારીઓ પણ હાજર રહ્યા. પૂરની વિકટ સ્થિતિમાં ટ્રસ્ટ દ્વારા ફૂડ પેકેટ, રેશન કિટ, ગાદલા અને વાસણોનું વિતરણ કરાયું. જરૂરિયાતમંદોને આર્થિક સહાય પણ પૂરી પાડવામાં આવી. ટીમે આ સન્માનને સેવા આપનાર તમામ લોકોનું સન્માન ગણાવ્યું. તેમણે મુશ્કેલીના સમયમાં લોકોની પડખે ઊભા રહી માનવતાની સેવા કરવાનો સંકલ્પ વ્યક્ત કર્યો.