મિડલ ઇસ્ટમાં યુદ્ધનું કેન્દ્ર હવે ઈરાનથી શિફ્ટ થઈને સાઉદી અરેબિયા પર આવી ગયું છે. રવિવારે વધુ એક વખત સાઉદીની રાજધાની રિયાધના ઇન્ટરનેશનલ એરપોર્ટ પર હૂતી વિદ્રોહીઓએ હુમલો કર્યો. તેનાથી એક દિવસ પહેલા યમનના આ જ વિદ્રોહી જૂથના હુમલામાં ઓછામાં ઓછા 12 લોકો માર્યા ગયા હતા અને અધિકારીઓએ ત્યાં કામકાજ રોકવું પડ્યું હતું. આ નવા હુમલામાં એક પાકિસ્તાની નાગરિકનું મૃત્યુ થયું અને અન્ય 11 લોકો ઘાયલ થયા. અહીં જુઓ હુમલાનો વીડિયો શનિવારના હુમલાનો વીડિયો સામે આવ્યો શનિવારે થયેલો હુમલો એક દશક કરતાં વધુ સમયમાં સાઉદી અરેબિયાની ધરતી પર થયેલો સૌથી ઘાતક હુમલો હતો. આ યમન યુદ્ધમાં તણાવ વધવાનો સંકેત હતો, જ્યાં સાઉદી સરકાર લાંબા સમયથી હૂતી વિરુદ્ધ આંતરરાષ્ટ્રીય સ્તરે માન્યતા પ્રાપ્ત સરકારને લશ્કરી સમર્થન આપી રહી છે. ઈરાન સમર્થિત હૂતી જૂથે રવિવારે છેલ્લા 24 કલાકમાં અનેક હુમલાઓની જવાબદારી સ્વીકારી છે, જેમાં એરપોર્ટ પર થયેલો હુમલો પણ સામેલ છે. સામે આવેલા ફૂટેજમાં ઉમરાહયાત્રીઓ પોતાની ફ્લાઈટ્સમાં બેસવાની તૈયારી કરતા નજરે પડી રહ્યા છે, બરાબર તે જ સમયે રિયાધના કિંગ ખાલિદ ઇન્ટરનેશનલ એરપોર્ટ પર હૂતી હુમલો થયો. ધડાકો થતાં જ નાસભાગ જેવી સ્થિતિ સર્જાઈ ગઈ અને લોકો જીવ બચાવવા માટે અહીં-તહીં દોડવા લાગ્યા. હૂતીઓએ સાઉદી અરેબિયાના ટ્રાન્ઝિટ હબને નિશાન બનાવવાનું ચાલુ રાખવાની ધમકી આપી છે અને તેને પોતાની સેનાઓ માટે ઓપરેશનનો વિસ્તાર ગણાવ્યો છે. થોડા કલાકો પછી, આ જૂથ સામે લડી રહેલા સાઉદી-નેતૃત્વવાળા ગઠબંધને જણાવ્યું કે કિંગ ખાલિદ ઇન્ટરનેશનલ એરપોર્ટ પર એક પ્રોજેક્ટાઇલ (મિસાઈલ કે રોકેટ જેવું હથિયાર) ફરીથી છોડી, જેનાથી આગ લાગી ગઈ. તેમણે એ પણ જણાવ્યું કે એર ડિફેન્સ સિસ્ટમે નજીકમાં જ એક મિસાઈલને રોકી લીધી હતી. સાઉદી અરેબિયાના સિવિલ એવિએશન ઓથોરિટીએ જણાવ્યું કે એરપોર્ટ પર થયેલા આ નવા હુમલામાં એક વ્યક્તિ (પાકિસ્તાનનો રહેવાસી)નું મૃત્યુ થયું છે જ્યારે 1 ભારતીયનું પણ મોત થયું છે અને અન્ય 11 લોકો ઘાયલ થયા. વિદેશ મંત્રી એસ. જયશંકરે ભારતીય નાગરિકના મૃત્યુ પર દુઃખ વ્યક્ત કર્યું. તેમણે મૃતકના પરિવાર પ્રત્યે સંવેદના વ્યક્ત કરી. ઓથોરિટીએ ‘એક્સ’ (X) પર જણાવ્યું કે ઘાયલોને તરત જ જરૂરી સારવાર માટે વિવિધ હોસ્પિટલોમાં ખસેડવામાં આવ્યા છે. હુમલાથી સંપત્તિને પણ નુકસાન થયું છે. એરપોર્ટ 24 કલાક બંધ જ્યારે ટ્રેકિંગ સાઈટ ‘Flightradar24’ એ ‘X’ પર જણાવ્યું કે અધિકારીઓએ એરપોર્ટને બંધ રાખવાનો સમયગાળો 24 કલાક વધારી દીધો છે, જે હવે સોમવારે 2100 GMT સુધી બંધ રહેશે. ન્યૂઝ એજન્સી AFPના પત્રકારો અને સ્થાનિક લોકોએ જણાવ્યું કે રવિવારે સાઉદીની રાજધાનીમાં અનેક મોટા ધડાકાઓનો અવાજ સાંભળવામાં આવ્યો હતો. સિવિલ એવિએશન ઓથોરિટીએ અગાઉ દમ્મામ એરપોર્ટ પર પણ વધુ એક હુમલાની માહિતી આપી હતી, જેને હૂતીઓએ નિશાન બનાવવાનો દાવો કર્યો હતો. આ હુમલો સાઉદી ગઠબંધન દ્વારા નજીકમાં એક પ્રોજેક્ટાઇલ પડવાની માહિતી આપવાના એક દિવસ પછી થયો હતો. તેના થોડા જ સમય પછી, ગઠબંધને પૂર્વમાં જ એક ડ્રોનને તોડી પાડ્યાની માહિતી આપી હતી. સાઉદીના એરપોર્ટ પર હુમલામાં ભારતીયનું મોત, જયશંકરે દુઃખ વ્યક્ત કર્યું સાઉદી અરબની રાજધાની રિયાદના એરપોર્ટ પર શનિવારે થયેલા હુથી બળવાખોરોના હુમલામાં ઘાયલ થયેલા એક ભારતીયનું મોત થયું છે. વિદેશ મંત્રી એસ. જયશંકરે ભારતીય નાગરિકના મોત પર દુઃખ વ્યક્ત કર્યું. તેમણે મૃતકના પરિવાર પ્રત્યે સંવેદના વ્યક્ત કરી. જયશંકરે કહ્યું કે ભારતીય દૂતાવાસ પરિવારને શક્ય તમામ મદદ કરશે. ભારતીય દૂતાવાસે જણાવ્યું કે તે મૃતકના પરિવારના સંપર્કમાં છે. દૂતાવાસ મૃતદેહને ટૂંક સમયમાં ભારત લાવવામાં મદદ કરશે. આ દરમિયાન, યમનના હુથી બળવાખોરોએ રવિવારે રિયાદ એરપોર્ટ પર ફરી હુમલો કર્યો. આ હુમલામાં 12 ભારતીયો ઘાયલ થયા હોવાની માહિતી સામે આવી છે. સંપૂર્ણ સમાચાર માટે અહીં ક્લિક કરો….