બનાસકાંઠા જિલ્લામાં શિક્ષણ ક્ષેત્રે એક મહત્વનો નિર્ણય લેવાયો છે. જિલ્લા પંચાયતની સાધારણ સભામાં 51 નવી લાઇબ્રેરી બનાવવાનો સર્વસંમતિથી નિર્ણય કરાયો છે. આ લાઇબ્રેરીઓ જિલ્લા પંચાયતના સ્વભંડોળમાંથી અંદાજે 20થી 25 લાખના ખર્ચે તૈયાર થશે. આ નિર્ણય ખાસ કરીને સ્પર્ધાત્મક પરીક્ષાઓની તૈયારી કરતા વિદ્યાર્થીઓ માટે લેવાયો છે. તેમને અભ્યાસ માટે યોગ્ય સુવિધા મળી રહે તે મુખ્ય હેતુ છે. નવી લાઇબ્રેરીઓ શરૂ થવાથી વાંચન અને અભ્યાસ માટેની સુવિધા ઉપલબ્ધ થશે. ગ્રામ્ય વિસ્તારોના વિદ્યાર્થીઓને પોતાના ઘર નજીક અભ્યાસ માટે સ્થળ મળશે. તેમને પુસ્તકો અને વાંચન માટેની સુવિધાનો લાભ મળી શકશે. આ નિર્ણય તેમના માટે ખૂબ જ મહત્વનો સાબિત થશે. જિલ્લા પંચાયતની સભામાં ભાજપ અને કોંગ્રેસના ચૂંટાયેલા સભ્યોએ આ શિક્ષણલક્ષી નિર્ણયને સર્વસંમતિથી મંજૂરી આપી હતી. હવે 51 લાઇબ્રેરીની સ્થાપનાની કામગીરી આગળ વધશે.