બોટાદના નીલમ શોપિંગ સેન્ટરમાંથી લાખોના હીરાની ચોરી
બોટાદ શહેરના હીરા બજારમાં આવેલા નીલમ શોપિંગ સેન્ટરમાં હીરાની ચોરીની મોટી ઘટના સામે આવી છે. અહીં હીરાના વેપારી અશોકભાઈ કણકોટીયાની ઓફિસમાંથી લાખો રૂપિયાની કિંમતના હીરાની ચોરી થઈ છે. આ ઘટનાને પગલે સમગ્ર બોટાદના હીરા બજારમાં ખળભળાટ મચી ગયો છે. ડીવાયએસપી અને LCB સહિતનો પોલીસ કાફલો ઘટનાસ્થળે
ચોરીની આ ઘટનાની જાણ થતાં જ ડીવાયએસપી સહિત એલસીબી (LCB) અને સ્થાનિક પોલીસનો કાફલો તાત્કાલિક ઘટનાસ્થળે દોડી આવ્યો હતો. પ્રાથમિક માહિતી મુજબ ચોરાયેલા હીરાની કિંમત લાખો રૂપિયામાં હોવાનું અનુમાન વ્યક્ત કરવામાં આવી રહ્યું છે. ઓફિસ અને આસપાસના વિસ્તારમાં પોલીસની સઘન તપાસ
ઘટનાસ્થળે પહોંચેલી પોલીસે વેપારીની ઓફિસ તેમજ આસપાસના સમગ્ર વિસ્તારમાં સઘન તપાસ હાથ ધરી છે. જોકે, હાલમાં કેટલા રૂપિયાના અને કેટલા પ્રમાણમાં હીરાની ચોરી થઈ છે તે અંગેનો કોઈ ચોક્કસ આંકડો સામે આવ્યો નથી. તપાસ બાદ જ ચોરીનો સાચો આંકડો અને હકીકત સ્પષ્ટ થશે
પોલીસ દ્વારા હાથ ધરવામાં આવેલી તપાસ પૂર્ણ થયા બાદ જ ચોરાયેલા હીરાની સાચી કિંમત અને આખી ઘટના પાછળની સાચી હકીકત સ્પષ્ટ થઈ શકશે. હાલમાં પોલીસ વિભાગ દ્વારા આ મામલે આગળની વિવિધ દિશાઓમાં સઘન તપાસ ચલાવવામાં આવી રહી છે.