બોટાદની એડિશનલ એન્ડ સેશન્સ કોર્ટે પોક્સો કેસમાં ચુકાદો આપ્યો છે. 15 વર્ષની સગીરા પર દુષ્કર્મના ગુનામાં કોર્ટે ત્રણ આરોપીઓને દોષિત ઠેરવી 20-20 વર્ષની કેદની સજા ફટકારી છે. આ કેસમાં મુખ્ય આરોપી હાર્દિક રાજેશભાઈ ઉપરાંત બે મહિલા આરોપીઓને પણ સજા સંભળાવવામાં આવી છે. સગીરા સાથે અનેક વખત બળજબરીપૂર્વક શારીરિક સંબંધ બાંધવામાં આવ્યા હોવાનો આરોપ હતો. તપાસમાં સામે આવ્યું હતું કે બે મહિલા આરોપીઓએ મુખ્ય આરોપીને આ ગુનામાં મદદ કરી હતી. કોર્ટ સમક્ષ રજૂ થયેલા પુરાવા અને બંને પક્ષોની દલીલો બાદ ત્રણેય આરોપીઓ સામેનો ગુનો સાબિત થયો હતો. કોર્ટે તેમને 20-20 વર્ષની સજા ઉપરાંત ભોગ બનનાર સગીરાને વળતર ચૂકવવાનો પણ આદેશ કર્યો છે.