બ્રાઝિલના સાઓ પાલો શહેરમાં એક મોટી દુર્ઘટના ટળી છે. અહીં ડ્રાઇવર વગર દોડતી(ડ્રાઇવરલેસ) મોનોરેલ ટ્રેન રેલવે ટ્રેક પર પડેલી કન્સ્ટ્રક્શન ક્રેન સાથે અથાઈ હતી. આ ટક્કર એટલી જોરદાર હતી કે તેના કારણે ટ્રેનનો કાટમાળ નીચે રસ્તા પર પડ્યો હતો. આ અકસ્માત શનિવાર, 24 ઓક્ટોબર 2026ના રોજ સાઓ પાલોના વિલા પ્રુડેન્ટ વિસ્તારમાં આવેલા એવેનિડા પ્રોફેસર લુઇઝ ઇનાસિયો દે અન્હૈયા મેલો ખાતે લાઇન 15-સિલ્વર પર થયો હતો. અહીં જુઓ વીડિયો કેવી રીતે થઈ દુર્ઘટના ટ્રેક પર અચાનક ક્રેન પડી હોવાને કારણે ડ્રાઇવરલેસ ટ્રેન સમયસર બ્રેક લગાવી શકી નહીં અને તે ક્રેન સાથે અથડાઈ ગઈ. ટક્કરને કારણે ટ્રેન અને ક્રેનનો કાટમાળ એલિવેટેડ ટ્રેક પરથી નીચે વ્યસ્ત માર્ગ પર પડ્યો હતો. સદનસીબે, રસ્તા પર ચાલી રહેલા વાહનો પર કાટમાળ ખાલી જગ્યા પર પડવાથી મોટો અકસ્માત ટળી ગયો હતો અને વાહનચાલકો માંડ-માંડ બચી ગયા હતા. ક્રેન ઓપરેટર ઘાયલ સદભાગ્યે આ અકસ્માતમાં કોઈ જાનહાનિ થઈ નથી. ટ્રેનમાં બેઠેલા તમામ મુસાફરો હેમખેમ બચી ગયા હતા અને તેમને કોઈ ઈજા થઈ નહોતી. જોકે, ક્રેન ઓપરેટર આ અકસ્માતમાં ઈજાગ્રસ્ત થયો હતો, જેને ઈમરજન્સી ટીમે બચાવીને હોસ્પિટલ ખસેડ્યો હતો. ક્રેન રેલવે ટ્રેક પર કેવી રીતે પડી તે અંગે હજુ સુધી કોઈ સ્પષ્ટ કારણ બહાર આવ્યું નથી. આ અંગે કોઈ સત્તાવાર નિવેદન જારી કરવામાં આવ્યું નથી. અકસ્માતની 2 તસવીરો જુઓ….