મહીસાગર જિલ્લામાં 80th સ્વાતંત્ર્ય પર્વની જિલ્લા કક્ષાની ઉજવણી વીરપુર તાલુકાના વરધરા ગામ ખાતે યોજાઈ હતી. આ પ્રસંગે જિલ્લા કલેક્ટર અર્પિત સાગરના હસ્તે રાષ્ટ્રધ્વજ ફરકાવવામાં આવ્યો હતો. ખુલ્લી જીપમાં પરેડનું નિરીક્ષણ કરી કલેક્ટરે પોલીસ દળ અને વિવિધ ટુકડીઓનું અભિવાદન ઝીલ્યું હતું. કલેક્ટરે રાષ્ટ્રનાયકોને શ્રદ્ધાંજલિ અર્પી ‘વિકસિત ભારત–2047’ના સંકલ્પને દોહરાવ્યો
કલેક્ટર અર્પિત સાગરે મહાત્મા ગાંધી અને સરદાર વલ્લભભાઈ પટેલ સહિતના સ્વાતંત્ર્ય સેનાનીઓને શ્રદ્ધાંજલિ અર્પી જિલ્લાવાસીઓને શુભેચ્છાઓ પાઠવી હતી. તેમણે પોતાના સંબોધનમાં જણાવ્યું કે મહીસાગર જિલ્લો વડાપ્રધાનના ‘વિકસિત ભારત–2047’ના સંકલ્પને સાકાર કરવા તમામ ક્ષેત્રોમાં સતત કાર્યરત છે. આરોગ્ય અને શિક્ષણ ક્ષેત્રે મહીસાગર જિલ્લાએ મેળવેલી ગૌરવપૂર્ણ સિદ્ધિઓનો ઉલ્લેખ કરાયો
તેમણે જણાવ્યું કે આરોગ્ય ક્ષેત્રે 14 સંસ્થાઓને NQAS પ્રમાણપત્ર અને 91% નાગરિકોને આયુષ્માન કાર્ડ મળ્યા છે. જ્યારે શિક્ષણ ક્ષેત્રે કેન્દ્રીય શિક્ષણ સર્વેમાં સમગ્ર ગુજરાતમાં પ્રથમ સ્થાન પ્રાપ્ત કરવું તે મહીસાગર જિલ્લા માટે ગૌરવપૂર્ણ સિદ્ધિ છે. તાલુકા વિકાસ માટે રૂ. 25 લાખનો ચેક અર્પણ, સન્માન અને વૃક્ષારોપણ યોજાયું
સમારોહ દરમિયાન વીરપુર તાલુકાના વિકાસ કામો માટે રૂ. 25 lakh નો ચેક અર્પણ કરાયો હતો. તેમજ ઉત્કૃષ્ટ કામગીરી કરનાર અધિકારીઓ, ખેલાડીઓનું સન્માન કરાયું હતું. વિદ્યાર્થીઓની સાંસ્કૃતિક પ્રસ્તુતિ બાદ મહાનુભાવો દ્વારા વૃક્ષારોપણ કરીને કાર્યક્રમની પૂર્ણાહુતિ કરવામાં આવી હતી. જિલ્લા પંચાયત પ્રમુખ, ધારાસભ્ય અને એસપી સફિન હસન સહિતના આગેવાનો રહ્યા ઉપસ્થિત
આ સમારોહમાં જિલ્લા પંચાયત પ્રમુખ કલ્પનાબેન પુવાર, ધારાસભ્ય માનસિંહ ચૌહાણ, પૂર્વ સાંસદ રતનસિંહ રાઠોડ, DDO યુવરાજ સિધાર્થ, SP સફિન હસન સહિત જિલ્લાના અધિકારીઓ, જનપ્રતિનિધિઓ અને મોટી સંખ્યામાં નાગરિકો ઉપસ્થિત રહ્યા હતા.