SGVP ગુરુકુળના વિદ્યાર્થીઓએ નવરાત્રી મહોત્સવ દરમિયાન ‘SGVP UDYAM 2026 – બિઝનેસ એક્સ્પો’નું સફળ આયોજન કર્યું. આ આયોજન પરમ પૂજ્ય શ્રી માધવપ્રિયદાસજી સ્વામી અને પુરાણી સ્વામી બાલકૃષ્ણદાસજીની પ્રેરણાથી થયું હતું. એક્સ્પોનો મુખ્ય હેતુ વિદ્યાર્થીઓમાં ઉદ્યોગસાહસિકતા, વ્યવસાયિક સમજ અને આત્મનિર્ભરતા વિકસાવવાનો હતો. આમાં 30થી વધુ બિઝનેસ સ્ટોલ્સ દ્વારા વિવિધ પ્રોડક્ટ્સ અને નવીન વિચારો રજૂ કરાયા. મોટા ઉદ્યોગ-ધંધા ધરાવતા પરિવારોના વિદ્યાર્થીઓએ પણ પોતાની પ્રોડક્ટ્સ રજૂ કરી. પૂજ્ય સ્વામીજીએ સમૃદ્ધિ અને સંસ્કારની બે પાંખો વિશે જણાવ્યું. સામાજિક અગ્રણી ટી.જી. ઝાલાવાડીયા સાહેબે નવા ઉદ્યોગો સ્થાપવા અને સરકારી સહાય વિશે માર્ગદર્શન આપ્યું. આશરે ત્રણ હજારથી વધુ લોકો, શિક્ષકો અને નિષ્ણાંતોએ એક્સ્પોની મુલાકાત લીધી. પૂજ્ય શ્રી કુંજવિહારીદાસજી સ્વામી અને સર જાલમ સિંહજીએ પણ વિદ્યાર્થીઓને માર્ગદર્શન આપ્યું. અમદાવાદના અનેક અતિથિઓ પણ હાજર રહ્યા હતા.