બોટાદમાં કવિવર બોટાદકરની જન્મભૂમિ પર આવેલા મુક્તિધામ મેલડી માતાજી મંદિરે નવરાત્રિ પર્વની ઉજવણી કરાશે. આ નવ દિવસ દરમિયાન દરરોજ સાંજે મહાઆરતી અને વિશિષ્ટ પ્રસાદનું વિતરણ કરવામાં આવશે. મંદિર પરિસરને રંગબિરંગી રોશનીથી શણગારવામાં આવશે. શક્તિ અને ભક્તિના આ પર્વની શરૂઆત રવિવાર, 09/10/26 થી થશે. દરરોજ સાંજે 6:30 કલાકે શુદ્ધ ઘીના 108 દીપકની દીપમાળા સાથે મહાઆરતી કરવામાં આવશે. જાયન્ટસ સંસ્થા દ્વારા સી.એલ. ભીકડીયાની મહેનતથી નિર્મિત આ મુક્તિધામ (સ્મશાન) પરિસરમાં સુપ્રસિદ્ધ મેલડી માતાજીનું મંદિર આવેલું છે. માતાજીને સાચા હૃદયથી પ્રાર્થના કરનારના કામ થાય છે તેવી માન્યતા છે. આ મહાઆરતી અને દર્શનનો લાભ લેવા સૌ શહેરીજનોને આમંત્રણ છે. વધુ માહિતી માટે સી.એલ. ભીકડીયા (મો. 9662514417) અને પરષોત્તમભાઈ સાંકળિયા (મો. 9904060569) નો સંપર્ક કરી શકાય છે.