મેઘપર (પડાણા) પોલીસે ન્યુ પડાણા રેસિડેન્સી નજીક સ્ટ્રીટલાઇટના અજવાળે જાહેરમાં તીનપત્તીનો જુગાર રમતા આઠ શખ્સોને ઝડપી પાડ્યા છે. ઝડપાયેલા શખ્સોમાં દિલીપભાઇ ખેતાભાઇ મકવણા, મહેશભાઇ નથુભાઇ મકવણા, વનરાજભાઈ દેવાભાઈ મકવણા, કિશોરપુરી પ્રેમપુરી ગૌસ્વામી, રાણાભાઇ ભીખાભાઇ વાઘેલા, હરેશભાઈ દાનાભાઈ કટારીયા, રવિરાજસિંહ ચન્દ્રસિંહ ગોહીલ અને દેસરાજ સુરેન્દ્રસીંઘ શીખનો સમાવેશ થાય છે. પોલીસે ઘટનાસ્થળેથી ₹10,700 રોકડ રકમ અને ગંજીપત્તા કબજે કર્યા હતા. આઠેય શખ્સો વિરુદ્ધ જુગારધારા કલમ-12 હેઠળ ગુનો નોંધી કાયદેસરની કાર્યવાહી હાથ ધરવામાં આવી છે.