મોડાસા ખાતે શ્રી વા. હી. ગાંધી બહેરા મૂંગા શાળા અને લાયન્સ આઈ.ટી.આઈ. દિવ્યાંગો માટે ૮૦મા સ્વાતંત્ર્ય દિનની ઉજવણી કરવામાં આવી હતી. સંસ્થાના પ્રમુખ ડો. ટી.બી. પટેલના વરદ્ હસ્તે ધ્વજવંદન કરવામાં આવ્યું હતું. આ પ્રસંગે મોડાસા શહેરના શ્રેષ્ઠ દાતા રાજુભાઈ અરુણભાઈ શાહ અને શ્રીમતી પદ્મિનીબેન રાજુભાઈ શાહ તરફથી સંસ્થાના તમામ ૨૦૪ દિવ્યાંગ વિદ્યાર્થીઓને શાળા યુનિફોર્મ અર્પણ કરવામાં આવ્યા હતા. રોટરી ક્લબ ઓફ મોડાસાના સહયોગથી મહાલક્ષ્મી હોસ્પિટલ, મોડાસાના ડો. રવિભાઈ પ્રજાપતિ દ્વારા સંસ્થાના ૨૦૪ દિવ્યાંગ બાળકોને સ્કૂલ બેગનું વિતરણ કરવામાં આવ્યું હતું. આ ઉપરાંત, લિઓ ક્લબ મોડાસા દ્વારા બાળકોને ફળફળાદીનું વિતરણ કરવામાં આવ્યું હતું. આ કાર્યક્રમમાં ઉપસ્થિત તમામ દાતાઓ અને આમંત્રિત મહેમાનોનું સન્માન કરવામાં આવ્યું હતું.