રાજ્ય સરકારના સ્વાગત કાર્યક્રમ અંતર્ગત આજે મોરબી જિલ્લાના તમામ તાલુકાઓમાં કાર્યક્રમો યોજાયા. આનો મુખ્ય હેતુ નાગરિકોના પ્રશ્નો અને રજૂઆતોનો સમયસર નિકાલ કરવાનો હતો. વાંકાનેર તાલુકાનો સ્વાગત કાર્યક્રમ જિલ્લા કલેક્ટર સ્વપ્નિલ ખરેની હાજરીમાં યોજાયો. જ્યારે માળીયા તાલુકાનો કાર્યક્રમ જિલ્લા વિકાસ અધિકારી વિદ્યાસાગરની ઉપસ્થિતિમાં થયો. આ કાર્યક્રમોમાં નાગરિકોએ પોતાના પ્રશ્નો અને અરજીઓ રજૂ કરી. સંબંધિત અધિકારીઓને તેના યોગ્ય નિકાલ માટે જરૂરી માર્ગદર્શન અપાયું. વહીવટી તંત્ર દ્વારા નાગરિકોની રજૂઆતોનો સમયસર નિકાલ થાય અને સરકારી સેવાઓ સરળતાથી મળે તે પર ભાર મુકાયો. મોરબી ગ્રામ્યમાં મામલતદાર, ટંકારામાં મામલતદાર અને હળવદમાં પ્રાંત અધિકારીની હાજરીમાં પણ આવા કાર્યક્રમો થયા.