રાજકોટ 39.7°C અને સુરેન્દ્રનગર 38.3°C સાથે સતત બીજા દિવસે રાજ્યના સૌથી ગરમ શહેર રહ્યાં. સૌરાષ્ટ્ર-કચ્છના કેટલાક ભાગોમાં મહત્તમ તાપમાનમાં નોંધપાત્ર વધારો થયો હતો, જ્યારે બાકીના વિસ્તારોમાં તાપમાનમાં કોઈ મોટો ફેરફાર જોવા મળ્યો ન હતો. ઓક્ટોબરમાં ગરમીનો પારો 40 ડિગ્રી પાર પહોંચે તેવી સંભાવના છે. હવામાન વિભાગના જણાવ્યા અનુસાર, આગામી સાત દિવસ રાજ્યમાં વરસાદની કોઈ શક્યતા નથી. સાથે તાપમાનમાં પણ કોઈ મોટો બદલાવ થવાની શક્યતા નથી, પરંતુ મહત્તમ તાપમાન સામાન્ય કરતાં એકથી બે ડિગ્રી સેલ્સિયસ ઊંચું રહી શકે છે. સમગ્ર રાજ્યમાં પવનોની દિશા સામાન્ય રીતે પશ્ચિમથી ઉત્તર-પશ્ચિમ તરફની રહી છે. આગામી દિવસોમાં પણ હવામાન યથાવત રહેવાની આગાહી કરવામાં આવી છે.