ભરૂચ તાલુકાના વડદલા ગામ પાસે આવેલા જીએનએફસી કંપનીના એસ-વાળા તળાવમાં એક મગર દેખાયો છે. આ ઘટનાનો વીડિયો વાયરલ થયો છે. મગર દેખાતા આસપાસના વિસ્તારમાં લોકોમાં ચિંતા અને સાવચેતીનો માહોલ છે. મગરની હાજરીને કારણે ગ્રામજનો, ખાસ કરીને બાળકોને તળાવથી દૂર રહેવા અપીલ કરાઈ છે. કોઈ પણ વ્યક્તિ તળાવમાં નાહવા કે ફરવા ન જાય અને આસપાસ અવરજવર કરતી વખતે સાવચેતી રાખે તેવી સૂચના અપાઈ છે. તળાવમાં મગર દેખાતા વન વિભાગને તાત્કાલિક પગલાં લેવા અને મગરને સુરક્ષિત રીતે પકડવાની કામગીરી કરવા જણાવાયું છે. ગ્રામજનોની સુરક્ષા માટે તંત્ર ઝડપથી કાર્યવાહી કરે તેવી માંગ ઉઠી છે.