દ્વારકા શારદાપીઠના ટ્રસ્ટી અને સુરેન્દ્રનગર જિલ્લાના માળોદના મોહનભાઈ પટેલે વઢવાણ તાલુકામાં જરૂરિયાતમંદો માટે નિઃશુલ્ક આંખ તપાસ અને મોતિયાનાં ઓપરેશનની સેવા શરૂ કરી છે. તેઓ ખેડૂતોના હક અને અધિકારો માટે પણ લડે છે. 12 નવેમ્બરે મોટા અંકેવાળીયામાં કેમ્પ યોજાયો હતો. તેમાં 250થી વધુ લોકોએ લાભ લીધો હતો. આંખની તકલીફ, ઓછું દેખાવું અથવા મોતિયાની સમસ્યા હોય તેવા ગરીબ અને જરૂરિયાતમંદ લોકો આ સેવાનો લાભ લઈ શકે છે. તેમની આંખની તપાસ અને મોતિયાનું ઓપરેશન વિનામૂલ્યે કરવામાં આવશે. આર્થિક મુશ્કેલીને કારણે આંખની સારવાર ન કરાવી શકતા લોકોને આ સેવા મળશે.