સુરેન્દ્રનગરના વઢવાણ ખાતે 1 થી 10 ઓક્ટોબર, 2026 દરમિયાન ‘પ્રદર્શન સહ વેચાણ મેળો’ યોજાશે. આ મેળાનું આયોજન ગુજરાત મહિલા આર્થિક વિકાસ નિગમ, ગાંધીનગર અને મહિલા અને બાળ અધિકારીની કચેરી, સુરેન્દ્રનગર દ્વારા સંયુક્ત રીતે કરવામાં આવ્યું છે. મેળો વઢવાણના મંગલભુવન ખાતે યોજાશે. મેળામાં ભાગ લેવા ઈચ્છુક મહિલા કારીગરો માટે સ્ટોલ મેળવવા ઓનલાઈન અરજી કરવી ફરજિયાત છે. મહિલા કારીગરોએ મહિલા આર્થિક વિકાસ નિગમની અધિકૃત વેબસાઈટ www.mela.gwedc.gov.in પર આપેલી રજીસ્ટ્રેશન લિંકનો ઉપયોગ કરીને પોતાનું નોંધણી ફોર્મ ભરવાનું રહેશે. જિલ્લા મહિલા અને બાળ અધિકારી, સુરેન્દ્રનગર દ્વારા સુરેન્દ્રનગર અને આસપાસના વિસ્તારના તમામ નાગરિકોને આ મેળાની મુલાકાત લેવા અપીલ કરવામાં આવી છે. નાગરિકો મહિલા કારીગરો દ્વારા હાથથી તૈયાર કરાયેલી વિવિધ વસ્તુઓની ખરીદી કરીને તેમને પ્રોત્સાહિત કરી શકે છે. વધુમાં વધુ મહિલા કારીગરોને આ મેળામાં સહભાગી થવા પણ અનુરોધ કરાયો છે.