વલસાડ જિલ્લામાં છઠ પૂજાએ શ્રદ્ધાળુઓ ઉમટ્યા:મોગરાવાડી, ગુંદલાવ અને દમણગંગા કિનારે હજારો લોકોએ સૂર્યને અર્ઘ્ય આપ્યું

📅 Published: November 15, 2026 | 📂 Category: gujarati-news

વલસાડ-વાપી સહિત જિલ્લામાં છઠ પૂજાની ઉજવણી થઈ. મોગરાવાડી, ગુંદલાવ અને દમણગંગા નદી કિનારે હજારો શ્રદ્ધાળુઓએ અસ્ત થતા સૂર્યને અર્ઘ્ય આપ્યું. બિહાર કલ્યાણ પરિષદ અને સ્થાનિક આગેવાનોએ ત્રણેય સ્થળે પૂજાનું આયોજન કર્યું હતું. વલસાડ જિલ્લામાં રહેતા ઉત્તર ભારતીય, ખાસ કરીને બિહારના પરિવારો પરિવાર સાથે પૂજાસ્થળે પહોંચ્યા અને છઠ્ઠી મૈયાની પૂજા કરી. છઠ પૂજામાં સૂર્યદેવ અને છઠ્ઠી મૈયાની આરાધના કરવામાં આવે છે. શ્રદ્ધાળુઓ પરિવારની સુખ-શાંતિ, સમૃદ્ધિ, સંતાનોની સુખાકારી અને વંશવૃદ્ધિ માટે વ્રત રાખે છે. આ પર્વ બિહાર, ઝારખંડ અને ઉત્તર પ્રદેશમાં ખાસ મહત્ત્વ ધરાવે છે. મહિલાઓએ પરંપરા મુજબ નિર્જળા ઉપવાસ રાખ્યો અને ધાર્મિક વિધિઓ કરી. તળાવ અને નદી કિનારે પૂજા માટે વ્યવસ્થા કરવામાં આવી હતી. શ્રદ્ધાળુઓ ફળ, શેરડી, ઠેકુઆ અને પૂજાની સામગ્રી સાથે પરિવારજનોને લઈને પહોંચ્યા હતા. સાંજે શ્રદ્ધાળુઓ પાણીમાં ઊભા રહી અસ્ત થતા સૂર્યને અર્ઘ્ય આપ્યું અને પરિવારની સુખાકારી માટે પ્રાર્થના કરી. રોજગાર અને વ્યવસાય માટે વલસાડ જિલ્લામાં સ્થાયી થયેલા બિહાર સહિત ઉત્તર ભારતના પરિવારો માટે આ પર્વ પોતાની સંસ્કૃતિ, પરંપરા અને વતન સાથે જોડાવાનો અવસર પણ છે. પરિવારોની મોટી હાજરીથી પૂજાસ્થળે ભક્તિનો માહોલ રહ્યો. સ્થાનિક આગેવાનો અને આયોજકોના સહયોગથી કાર્યક્રમ યોજાયો હતો.


📱 Share on WhatsApp 🌐 View Original Article

Leave a Reply

Your email address will not be published. Required fields are marked *