ગોધરામાં જન્માષ્ટમી પર્વની ઉજવણીના ભાગરૂપે શહેરા ભાગોળ ડબગર સમાજ દ્વારા ધ્વજારોહણ યાત્રાનું આયોજન કરાયું હતું. આ યાત્રામાં સમાજના લોકો મોટી સંખ્યામાં જોડાયા હતા. યાત્રા દરમિયાન ભક્તિમય માહોલ જોવા મળ્યો હતો. ભગવાન શ્રીકૃષ્ણના જયઘોષ સાથે આ યાત્રા રાધે-કૃષ્ણ મંદિરે પહોંચી હતી. રાધે-કૃષ્ણ મંદિરે પહોંચ્યા બાદ ધાર્મિક વિધિ અને પૂજા-અર્ચના સાથે ધ્વજારોહણ કરવામાં આવ્યું. આ પ્રસંગે સમાજના આગેવાનો સહિત મોટી સંખ્યામાં લોકો હાજર રહ્યા હતા. જન્માષ્ટમી પર્વ નિમિત્તે યોજાયેલી આ ધ્વજારોહણ યાત્રાથી સમગ્ર વિસ્તારમાં ભક્તિમય વાતાવરણ છવાઈ ગયું હતું.