અમદાવાદના શિવાનંદ આશ્રમ ખાતે આવેલા અષ્ટલક્ષ્મી માતાજીના મંદિરમાં ધનતેરસના પવિત્ર પર્વ નિમિત્તે વિશેષ ધાર્મિક કાર્યક્રમનું આયોજન કરવામાં આવ્યું હતું. સાંજના શુભ મુહૂર્તમાં મુક્તાત્માનંદ સરસ્વતીની નિશ્રામાં યોજાયેલા લક્ષ્મી સમૂહપૂજનમાં મોટી સંખ્યામાં ભક્તોએ હાજરી આપીને ધન્યતા અનુભવી હતી. દિવાળીએ અન્નકૂટ દર્શન અને શંકરાચાર્યજીની પધરામણી
દિવાળીના પાવન દિવસે અષ્ટલક્ષ્મી માતાજીના મંદિરમાં સાંજ 04.30 થી 08.30 વાગ્યા સુધી અન્નકૂટનું સુંદર આયોજન કરવામાં આવ્યું છે, જેથી તમામ ભક્તજનો અન્નકૂટના દર્શનનો લાભ લઈ શકશે. આ વિશેષ પ્રસંગે કાંચી કામકોટિ પીઠાધીશ્વર શંકરાચાર્ય વિજયેન્દ્ર સરસ્વતી સાંજના સમયે શિવાનંદ આશ્રમ ખાતે પધારશે. તેમની ગરિમામય ઉપસ્થિતિમાં 108 દીવાની મહાઆરતી સંપન્ન થશે. ઉપરાંત, આશ્રમમાં શ્રી સુક્તમ યજ્ઞનું ખાસ આયોજન કરવામાં આવ્યું છે, જેની પૂર્ણાહુતિ વખતે તેઓ ખાસ ઉપસ્થિત રહેશે. નૂતન વર્ષે મંદિરોમાં વિશેષ શૃંગાર દર્શન
બેસતા વર્ષ એટલે કે 10મી નવેમ્બરના ના રોજ નૂતન વર્ષના શુભ પ્રારંભ નિમિત્તે શિવાનંદ આશ્રમના તમામ મંદિરોમાં અદ્ભુત અને મનોહર શૃંગાર દર્શનનું આયોજન કરવામાં આવ્યું છે, જેનો લાભ લેવા ભાવિકોને આમંત્રણ છે.