બોટાદ જિલ્લાના ગઢડામાં શ્રાવણ માસના પ્રથમ સોમવારના પાવન પર્વ નિમિત્તે પૌરાણિક ગંગેશ્વર મહાદેવ મંદિરે ભવ્ય દિપમાલાનું આયોજન કરવામાં આવ્યું હતું. હરિપર રોડ પર આવેલા શિવવાડી વિસ્તારમાં સ્થિત મંદિર ખાતે વિવિધ ધાર્મિક કાર્યક્રમો યોજાતા સમગ્ર વિસ્તાર ભક્તિભાવથી ગુંજી ઉઠ્યો હતો. મોટી સંખ્યામાં ભક્તોએ આરતીનો લીધો લાભ
સાંજના સમયે ગંગેશ્વર મહાદેવ મંદિર ખાતે ભવ્ય આરતીનું આયોજન કરવામાં આવ્યું હતું. આ આરતીમાં મોટી સંખ્યામાં શિવભક્તો ઉપસ્થિત રહ્યા હતા અને મહાદેવના દર્શન સાથે આરતીનો લાભ લીધો હતો. ભક્તિમય વાતાવરણમાં હર હર મહાદેવના જયઘોષથી સમગ્ર મંદિર પરિસર ગુંજી ઉઠ્યું હતું. ડાક-ડમરુ અને ઢોલકના તાલે ભજન-કીર્તન
ધાર્મિક કાર્યક્રમ દરમિયાન યુવાનોએ ડાક-ડમરુ અને ઢોલકના તાલે મહાદેવની પૂજા-અર્ચના કરી હતી. સાથે જ ભજન-કીર્તનનું પણ આયોજન કરવામાં આવ્યું હતું, જેમાં યુવાનોએ ભક્તિભાવ સાથે મહાદેવના ગુણગાન ગાઈ માહોલને શિવમય બનાવી દીધો હતો. શિવવાડી વિસ્તાર બન્યો ભક્તિમય
શ્રાવણના પ્રથમ સોમવારે ગંગેશ્વર મહાદેવ મંદિર ખાતે યોજાયેલી દિપમાલા, આરતી અને ભજન-કીર્તનના ધાર્મિક કાર્યક્રમોના કારણે સમગ્ર શિવવાડી વિસ્તાર ભક્તિમય માહોલમાં રંગાઈ ગયો હતો. મંદિર પરિસરમાં મોટી સંખ્યામાં ભક્તોની હાજરીથી શ્રાવણના પ્રથમ સોમવારની ભક્તિ અને ધાર્મિક આસ્થાનો વિશેષ માહોલ જોવા મળ્યો હતો.