સરદાર પટેલ યુનિવર્સિટીના અંડર ગ્રેજ્યુએટ ડિપાર્ટમેન્ટ દ્વારા નવોગત વિદ્યાર્થીઓના સ્વાગત માટે “ફ્રેશર્સ પાર્ટી”નું આયોજન કરવામાં આવ્યું હતું. આ કાર્યક્રમ યુનિવર્સિટીના આદિ શંકરાચાર્ય હોલ ખાતે 24 ઓગસ્ટ, 2026ના રોજ સવારે 8:30 વાગ્યે યોજાયો હતો. કાર્યક્રમની થીમ “Cheers to the memories made, the dreams purchased, and the future that awaits” હતી. કાર્યક્રમની શરૂઆત અંડર ગ્રેજ્યુએટ ડિપાર્ટમેન્ટના સંયોજક પ્રો. વસંત પટેલના શાબ્દિક સ્વાગતથી થઈ હતી. તેમણે ઉપસ્થિત મહાનુભાવો, અધ્યાપકો અને નવોગત વિદ્યાર્થીઓને આવકાર્યા હતા. પ્રો. પટેલે વિદ્યાર્થીઓને ઉજ્જવળ શૈક્ષણિક કારકિર્દી ઘડવા માટે પ્રેરણા આપી હતી. યુનિવર્સિટીના કુલપતિ પ્રો. ડૉ. નિરંજન પટેલે સમારોહના અધ્યક્ષસ્થાનેથી વિદ્યાર્થીઓને માર્ગદર્શન આપ્યું હતું. તેમણે જણાવ્યું કે યુનિવર્સિટી માત્ર પુસ્તકીય જ્ઞાન જ નહીં, પરંતુ વિદ્યાર્થીઓના સર્વાંગી વિકાસ માટે ઉત્તમ પ્લેટફોર્મ પૂરું પાડે છે. કુલપતિશ્રીએ યુવા વિદ્યાર્થીઓને નવીન વિચારો, સખત મહેનત અને સકારાત્મક અભિગમ સાથે લક્ષ્યો પ્રાપ્ત કરવા પ્રોત્સાહિત કર્યા હતા. આ કાર્યક્રમમાં યુનિવર્સિટીના રજિસ્ટ્રાર ડૉ. ભાઈલાલભાઈ પટેલ વિશેષ આમંત્રિત મહેમાન તરીકે ઉપસ્થિત રહ્યા હતા. અંડર ગ્રેજ્યુએટ ડિપાર્ટમેન્ટના વિવિધ વિભાગોના સંયોજકો અને આશરે 150 જેટલા વિદ્યાર્થીઓએ પણ હાજરી આપી હતી. વિદ્યાર્થીઓએ કાર્યક્રમ દરમિયાન વિવિધ સાંસ્કૃતિક પ્રસ્તુતિઓ રજૂ કરી હતી. આ સમગ્ર કાર્યક્રમનું આયોજન અંડર ગ્રેજ્યુએટ ડિપાર્ટમેન્ટના વિદ્યાર્થીઓની સમિતિ દ્વારા કરવામાં આવ્યું હતું.