વલસાડના તિથલ રોડ પર આવેલા સરદાર હાઇટ્સ ખાતે નવરાત્રી મહોત્સવ-2026નો પ્રારંભ થયો છે. સરદાર હાઇટ્સ પરિવાર અને સરદાર હાઇટ્સ એસોસિએશન દ્વારા આયોજિત આ મહોત્સવના પ્રથમ નોરતે મોટી સંખ્યામાં ખેલૈયાઓ ગરબે ઘૂમ્યા હતા. આ પાવન અવસરે પરંપરાગત વસ્ત્રોમાં સજ્જ મહિલાઓ, યુવતીઓ અને યુવાનોએ ઉત્સાહભેર ગરબામાં ભાગ લીધો હતો. ગરબાના તાલે ઝૂમી ઊઠેલા ખેલૈયાઓને કારણે સમગ્ર પરિસરમાં ભક્તિમય અને ઉત્સાહપૂર્ણ માહોલ છવાઈ ગયો હતો. સરદાર હાઇટ્સ પરિવાર અને એસોસિએશન દ્વારા નવરાત્રી મહોત્સવનું સુંદર આયોજન કરાયું છે. પ્રથમ નોરતે જ મોટી સંખ્યામાં ખેલૈયાઓની હાજરીથી મહોત્સવનો પ્રારંભ ખૂબ જ ઉત્સાહભેર થયો હતો.