સુરેન્દ્રનગરના વઢવાણ તાલુકાના બલદાણા ગામમાં નવરાત્રીની ભક્તિમય ઉજવણી કરવામાં આવી. ગામના અંબાજી ચોકમાં વર્ષો જૂની ગરબીની પરંપરા આજે પણ જળવાઈ રહી છે. નવરાત્રીના સાતમા નોરતે ગામની મહિલાઓએ માથે બેડાં લઈને તાલબદ્ધ ગરબે ઘૂમી હતી. આ પરંપરાગત ગરબીમાં મહિલાઓની શ્રદ્ધા, ભક્તિ અને ઉત્સાહ સ્પષ્ટ જોવા મળ્યો. માથે બેડાં લઈને ગરબે ઘૂમતી મહિલાઓએ ભક્તિમય માહોલ બનાવ્યો. આધુનિક યુગમાં પણ ગામની વર્ષો જૂની સંસ્કૃતિ અને પરંપરા જળવાઈ રહી છે. અંબાજી ચોકની આ ગરબી ગામની સંસ્કૃતિ અને સામૂહિક એકતાનું પ્રતીક બની છે.