સુરેન્દ્રનગરના પશ્ચિમ વિભાગમાં ગુર્જર પ્રજાપતિ સમાજ દ્વારા ઇનામ વિતરણ સમારોહ યોજાયો હતો. વિદ્યાર્થીઓને શિક્ષણ માટે પ્રોત્સાહન આપવા અને તેમની પ્રતિભાને બિરદાવવા આ કાર્યક્રમનું આયોજન કરાયું હતું. આ કાર્યક્રમમાં ધોરણ-1થી અનુસ્નાતક કક્ષા સુધીના તેજસ્વી વિદ્યાર્થીઓને તેમની શૈક્ષણિક સિદ્ધિના આધારે ઇનામો આપી સન્માનિત કરાયા. અભ્યાસમાં ઉત્સાહ વધે તે માટે આશ્વાસન ઇનામ પણ અપાયા. આ પ્રસંગે સુરેન્દ્રનગર મહાનગરપાલિકાના વોર્ડ નં. 10ના કોર્પોરેટર અને એક્ટિવ જર્નાલિઝમ ગ્રુપના પ્રમુખ ભાવેશભાઈ કોશિયાનું ખાસ સન્માન કરાયું. નાની બાળાઓએ સાંસ્કૃતિક કાર્યક્રમો રજૂ કર્યા હતા. છેલ્લા એક વર્ષમાં જન્મેલી બાળાઓ અને તેમની માતાઓનું પણ રોકડ પુરસ્કાર આપી સન્માન કરાયું. જિલ્લા ઉદ્યોગ કેન્દ્રના નાયબ કમિશ્નર કુમાર લખતરીયાએ સ્વરોજગાર યોજનાઓની માહિતી આપી. કાર્યક્રમ બાદ સૌ માટે ભોજનની વ્યવસ્થા કરાઈ હતી.