સુરેન્દ્રનગરમાં શ્રીમદ્ રાજચંદ્ર સર્વમંગલ હોસ્પિટલ અને સી. યુ. શાહ મેડિકલ કોલેજ દ્વારા સર્જિકલ રોગોના નિદાન અને સારવાર માટે એક વિશેષ સેવાયજ્ઞનું આયોજન કરાયું હતું. આ સેવાયજ્ઞમાં 130થી વધુ દર્દીઓએ મફત તબીબી સેવાનો લાભ લીધો. આ સેવાયજ્ઞમાં જનરલ સર્જરી વિભાગના નિષ્ણાત ડોકટરો ડૉ. અશ્વિન ગઢવી, ડૉ. મનીષ મુદગલ, ડૉ. સન્ની પ્રજાપતિ અને ડૉ. હરેશ મેમરીયાએ દર્દીઓની તપાસ કરી. તેમણે જરૂરી નિદાન, સારવાર અને આગળના ઉપચાર માટે માર્ગદર્શન આપ્યું. સેવાયજ્ઞ દરમિયાન લોહીની રૂટીન તપાસ મફત કરવામાં આવી હતી. અન્ય જરૂરી તપાસો અને દવાઓ રાહત દરે ઉપલબ્ધ કરાવાઈ હતી. હોસ્પિટલના જનરલ સર્જરી વિભાગના ડોકટરો, રેસિડેન્ટ ડોકટરો, ઇન્ટર્ન ડોકટરો, નર્સિંગ સ્ટાફ અને અન્ય સહાયક સ્ટાફે આ સેવાયજ્ઞને સફળ બનાવવામાં મદદ કરી. હોસ્પિટલ દર્દીઓને સારી સર્જિકલ સારવાર આપવા માટે પ્રતિબદ્ધ છે.