અમેરિકામાં સોમવારે લાખો લોકોની ઑનલાઇન બેન્કિંગ સેવાઓ ખોરવાઈ ગઈ. દેશની સૌથી મોટી બેન્ક જેપીમોર્ગન ચેઝની સિસ્ટમમાં આવેલા સોફ્ટવેર બગને કારણે ચેઝ ઉપરાંત બેન્ક ઑફ અમેરિકા, વેલ્સ ફાર્ગો, યુએસ બેન્ક અને જેલના ગ્રાહકો પણ પરેશાન થયા. લોકોને ઑનલાઇન અકાઉન્ટ ખોલવામાં, બેલેન્સ જોવામાં, પેમેન્ટ મોકલવામાં અને ટ્રાન્ઝેક્શન પૂર્ણ કરવામાં મુશ્કેલી પડી. ઘણા લોકોને ચેઝ ઍપમાં સંદેશ મળ્યો- “કેટલીક સેવાઓ હાલમાં ઉપલબ્ધ નથી, અમે તેના પર કામ કરી રહ્યા છીએ. કૃપા કરીને થોડા સમય પછી ફરી પ્રયાસ કરો.” ચેઝે X પરની એક પોસ્ટમાં જણાવ્યું કે તેની આંતરિક હાર્ડવેર સિસ્ટમમાં સોફ્ટવેર બગને કારણે ટ્રાન્ઝેક્શનમાં વિલંબ થયો. આ સાયબર હુમલો નહોતો. 5 દિવસમાં ત્રીજી વખત કામગીરી પર અસર 5 દિવસમાં આ ત્રીજી તક છે, જ્યારે અમેરિકા જેવા દેશમાં કામકાજ ઠપ્પ થવાની સ્થિતિ ઊભી થઈ છે. આ પહેલાં 12 નવેમ્બરે માઇક્રોસોફ્ટ 365 નેટવર્ક કેપેસિટી અપગ્રેડમાં આવેલી ખામીને કારણે આઉટલુક, ટીમ્સ અને કોપાઇલટ ઠપ્પ થઈ ગયા હતા. તેની અસર 74 દેશોમાં જોવા મળી હતી. આઉટલુક સંબંધિત આશરે 1.38 લાખ ફરિયાદો સામે આવી હતી. 36 કલાક બાદ સિસ્ટમ ફરીથી ઠીક થઈ શકી હતી. ત્યાં સુધી ઓફિસો, શાળાઓ અને સરકારી કચેરીઓ તમામ ઠપ્પ રહ્યા હતા. તેના બીજા જ દિવસે, 13 નવેમ્બરે અમેરિકન એવિએશનને ગ્રાઉન્ડ સ્ટોપનો સામનો કરવો પડ્યો. જૂની કૉપર લાઇનની જગ્યાએ ફાઇબર કેબલ લગાવતી વખતે રાઉટરે સિસ્ટમને ફ્લડ કરી દીધી. દેશભરમાં આશરે 5 કલાક સુધી કોઈ ફ્લાઇટ ઉડી નહોતી. 9/11 બાદનો આ સૌથી લાંબો ગ્રાઉન્ડ સ્ટોપ હતો. 3 દિવસમાં 17,000થી વધુ ફ્લાઇટ્સ રદ કરવી પડી હતી. 15 લાખથી વધુ મુસાફરો ફસાયેલા રહ્યા હતા. માત્ર જેપી મોર્ગન ચેઝના 8.6 કરોડથી વધુ ગ્રાહકો ચેઝ અમેરિકાના 8.6 કરોડથી વધુ ગ્રાહકોને સેવા આપે છે. તેની 5000 શાખાઓ છે અને અમેરિકાની કુલ થાપણોમાંથી 10%થી વધુ હિસ્સો તેની પાસે છે. તેથી માત્ર 5,000 ફરિયાદોથી વાસ્તવિક અસરનો અંદાજ લગાવી શકાય નહીં. સોશિયલ મીડિયા પર લોકોએ લખ્યું કે તેમને શાખામાં પણ ચેક કેશ કરાવવામાં, ATM કાર્ડ ચલાવવામાં અને ટ્રાન્ઝેક્શન પૂર્ણ કરવામાં મુશ્કેલી પડી રહી છે.
સોફ્ટવેર બગને કારણે અમેરિકન બેન્કોની કામગીરી ઠપ:ટ્રાન્ઝેક્શન ધીમું, લોકોના પૈસા અટવાયા; માઇક્રોસોફ્ટ, ફ્લાઇટ્સ બાદ બેન્કિંગ સિસ્ટમ, 5 દિવસમાં ત્રીજી વખત અમેરિકા ઠપ
📅 Published: November 17, 2026 |
📂 Category: International
