મોરબી જિલ્લાના હળવદ તાલુકાના ચાડધરા ગામ નજીક બ્રાહ્મણી નદીમાં ગેરકાયદેસર રેતી ખનન સામે ખાણ-ખનિજ વિભાગે કાર્યવાહી કરી છે. રાજકોટ ફ્લાઈંગ સ્કવોડની ટીમે રાત્રિના સમયે દરોડો પાડી ગેરકાયદેસર રેતી ખનન અને વહન કરતા પાંચ વાહનો ઝડપી પાડ્યા હતા. આ કાર્યવાહીમાં બે ડમ્પર, બે હિટાચી મશીન અને એક લોડર મશીન સહિત કુલ પાંચ વાહનો જપ્ત કરવામાં આવ્યા છે. બ્રાહ્મણી નદીમાં ગેરકાયદેસર રીતે રેતી ખનન થતું હોવાની ગુપ્ત માહિતીના આધારે ટીમે આ કાર્યવાહી હાથ ધરી હતી. ઝડપાયેલા તમામ વાહનો કબજે કરી હળવદ પોલીસને સોંપવામાં આવ્યા છે.