હળવદ પોલીસે ઘનશ્યામપુર નજીકથી દારૂ ભરેલી ઇક્કો કાર ઝડપી પાડી છે. પોલીસે રૂ. 4 લાખના મુદ્દામાલ સાથે ત્રણ આરોપીઓની ધરપકડ કરી છે. પોલીસને મળેલી બાતમીના આધારે ઘનશ્યામપુર-સરા રોડ પર વોચ ગોઠવવામાં આવી હતી. GJ-13-AM-4027 નંબરની ઇક્કો કારને રોકતા તેમાંથી 500 લિટર દેશી દારૂનો જથ્થો મળી આવ્યો હતો. ઝડપાયેલા આરોપીઓમાં ફિરોજ ફતેખાન મકરાણી, આસીફ મનસુરભાઈ મીર અને અફજલ અલ્લારખાભાઈ મકરાણીનો સમાવેશ થાય છે. આ ત્રણેય ધાંગધ્રાના કબ્રસ્તાન પાસેના રહેવાસી છે. પોલીસે 1 લાખ રૂપિયાનો દારૂ અને 3 લાખ રૂપિયાની કાર સહિત કુલ 4 લાખ રૂપિયાનો મુદ્દામાલ જપ્ત કર્યો છે. આ કેસમાં દારૂનો જથ્થો મોકલનાર મુખ્ય આરોપી શિવરાજ ગભરૂભાઈ કાળીયા (રહે. ખાટડી ગામ, તા. ચોટીલા) ફરાર છે. હળવદ પોલીસે તમામ આરોપીઓ વિરુદ્ધ પ્રોહિબિશન એક્ટ હેઠળ ગુનો નોંધી ફરાર આરોપીને પકડવા માટે વધુ કાર્યવાહી હાથ ધરી છે.