હળવદ તાલુકામાં નોંધાયેલા પ્રોહિબિશનના ગુનામાં છેલ્લા એક વર્ષથી ફરાર આરોપીને પોલીસે ઝડપી પાડ્યો છે. હળવદ પોલીસે આરોપી ઈમરાનખાન ઉર્ફે ઓબામા દિલાવરખાન મલેકને અમદાવાદની સાબરમતી જેલમાંથી ટ્રાન્સફર વોરંટના આધારે કબજે લીધો છે. આરોપી ઈમરાનખાન ઉર્ફે ઓબામા દિલાવરખાન મલેક સુરેન્દ્રનગર જિલ્લાના પાટડી તાલુકાના પીપળી ગામનો રહેવાસી છે. હળવદ પોલીસ સ્ટેશનમાં તેના વિરુદ્ધ પ્રોહિબિશનનો ગુનો નોંધાયેલો હતો, જેમાં તે એક વર્ષથી નાસતો ફરતો હતો. હળવદ પોલીસ ઇન્સ્પેક્ટર દ્વારા ફરાર આરોપીઓને પકડવા માટે અલગ અલગ ટીમો બનાવવામાં આવી હતી. આ કાર્યવાહીના ભાગરૂપે, જાણવા મળ્યું કે આરોપી ઈમરાનખાન સાણંદ જી.આઈ.ડી.સી. પોલીસ સ્ટેશનના અન્ય એક ગુનામાં હાલ અમદાવાદની સાબરમતી જેલમાં બંધ હતો. હળવદ પોલીસે ટ્રાન્સફર વોરંટ મેળવી તેનો કબજો લીધો અને કાયદેસરની કાર્યવાહી હાથ ધરી છે.