Vadodara Langdi National Championship : વડોદરામાં આજથી 15મી જુનિયર નેશનલ લંગડી ચેમ્પિયનશીપનો પ્રારંભ થયો છે, ત્યારે લંગડીને 2010માં રાષ્ટ્રીય માન્યતા મળી હોવા છતાં ઓલિમ્પિક એસોસિએશનની માન્યતા પ્રાપ્ત ન થતા લંગડી એસોસિએશન ગુજરાત દાતાઓની મદદથી રમતને પ્રોત્સાહિત કરી રહ્યું છે.
બાળપણની લોકપ્રિય રમત લંગડીને પરંપરાગત ભારતીય રમતોના પાયા તરીકે માનવામાં આવે છે. ખો-ખો, વોલીબોલ અને જિમ્નાસ્ટિક્સ જેવી રમતો માટેની તાલીમમાં પણ લંગડી ઉપયોગી સાબિત થાય છે. રાષ્ટ્રીય લંગડી ફેડરેશનને 2010માં રાષ્ટ્રીય માન્યતા મળી હતી.