ગુજરાત હાઈકોર્ટએ સોમવારે એડમિશન કમિટી ફોર પ્રોફેશનલ કોર્સિસ આ ACPCને નિર્દેશ આપ્યો હતો કે એક વિધાર્થિનીને નરેન્દ્ર મોદી મેડિકલ કોલેજમાં પ્રથમ વર્ષના MBBS કોર્સમાં પ્રવેશ આપવામાં આવે. આ નિર્ણય વિધાર્થિનીએ ડોક્ટર બન્યા બાદ ફરજિયાત એક વર્ષની ગ્રામ્ય સેવાને ઉપરાંત વધારાના છ મહિના સેવા આપવા સંમતિ આપ્યા બાદ લેવામાં આવ્યો હતો. વિધાર્થિનીએ અમદાવાદની મેડિકલ કોલેજમાં ત્રીજા રાઉન્ડમાં પણ પ્રથમ વર્ષનો પ્રવેશ કન્ફર્મ ન કરવાનું બેદરકારીપૂર્ણ વર્તન કર્યું હતું. હાઇકોર્ટે ગયા અઠવાડિયે ACPCને તેના માટે એક સીટ ખાલી રાખવાનો આદેશ આપ્યો. વિદ્યાર્થિનીએ 6 મહિના ગ્રામ્ય વિસ્તારોમાં સેવા આપવા સંમતિ દર્શાવી
વિદ્યાર્થીનીએ જણાવ્યું કે, કોલેજ સ્ટાફે આપેલી ખોટી સલાહને કારણે તે પ્રવેશ કન્ફર્મ કરવા જરૂરી દસ્તાવેજો હેલ્પ સેન્ટર પર જમા કરી શકી નહોતી. નહીતર, તેણીએ ફી પણ ભરી હતી અને લેકચરોમાં હાજરી આપવાનું શરૂ કરી દીધું હતું. ACPC અને કોલેજે તેના હુકમનો વિરોધ કર્યો અને દલીલ કરી કે વિદ્યાર્થિની પોતાની બેદરકારી અને ગફલતના કારણે જ મુશ્કેલીમાં આવી છે. જ્યારે વિદ્યાર્થિનીએ પોતાની ભૂલ માટે વળતરરૂપે MBBSનો કોર્સ પૂર્ણ થયા બાદ વધારાના 6 મહિના ગ્રામ્ય વિસ્તારોમાં સેવા આપવા સંમતિ દર્શાવી હતી. ભવિષ્યમાં આવી ભૂલ ના થાય તે માટે રૂ. 5 હજારનો દંડ ફયકાર્યો
ત્યારે હાઇકોર્ટે કહ્યું હતું કે, જો રાજ્યના ગ્રામ્ય વિસ્તારમાં લાયકાત ધરાવતા મેડિકલ ડોક્ટરની વધારાની 6 મહિનાની સેવા મળશે. 5 હજારનો દંડ કરીને, આ પ્રક્રિયાગત ખામી, જેના સંપૂર્ણપણે વિધાર્થીની જવાબદાર છે, તે કોર્ટ દ્વારા દૂર કરશે. હાઇકોર્ટે તેના પ્રથમ વર્ષના MBBSમાં પ્રવેશને નિયમિત કરવાની દિશામાં આદેશ આપ્યો છે એ શરતે કે તે વધારાની 6 મહિનાની ગ્રામ્ય સેવા અંગેની બાહેંધરી તે આપશે. બાદમાં તરત જ પ્રોવિઝનલ એડમિશન ઓર્ડર જમા કરીને પ્રવેશ કન્ફર્મ કરવાની પ્રક્રિયા પણ પૂર્ણ કરવી પડશે. હાઇકોર્ટ દ્વારા ભવિષ્યમાં વિધાર્થીની દ્વારા આવી ગફલત ફરી ન થાય તે માટે ઉદાહરણ રૂપિયા 5 હજારનો દંડ કરવામાં આવ્યો હતો.