Ahmedabad News: અમદાવાદ શહેર ક્રાઈમ બ્રાન્ચના સ્પેશિયલ ઓપરેશન ગ્રુપ (SOG)એ એક મોટી કાર્યવાહી કરતા નરોડા-મુઠિયા રોડ પરથી આશરે 2 કિલો ચરસ સાથે એક શખ્સને ઝડપી પાડ્યો હતો. આ તપાસમાં ચોંકાવનારો ખુલાસો થયો છે કે આ નશાના કાળા કારોબારમાં શહેરનો એક ટ્રાફિક પોલીસ કોન્સ્ટેબલ પણ સંડોવાયેલો હતો.
આરોપી શારીરિક રીતે વિકલાંગ
SOGની ટીમે બાતમીના આધારે નરોડા-મુઠિયા ગામના રોડ પર દરોડો પાડીને અજય ઉર્ફે બાદશાહ બઘેલ નામના શખ્સની ધરપકડ કરી હતી. અજય શારીરિક રીતે વિકલાંગ છે અને તેના જમણા પગમાં તકલીફ છે.