Zoho Founder Sridhar Vembu Divorce Case : ભારતની દિગ્ગજ આઈટી કંપની ‘ઝોહો’ (Zoho) ના સ્થાપક અને પદ્મશ્રી એવોર્ડ વિજેતા શ્રીધર વેમ્બુ હાલમાં પત્ની પ્રમિલા શ્રીનિવાસન સાથેના હાઈ-પ્રોફાઈલ છૂટાછેડાના કેસમાં બરાબરના ફસાઈ ગયા છે. કેલિફોર્નિયાની એક કોર્ટે અત્યંત કડક વલણ અપનાવતા વેમ્બુને $1.7 બિલિયન (અંદાજે રૂ. 15,300 કરોડ)નો બોન્ડ જમા કરાવવા આદેશ આપ્યો છે. અમેરિકાના ઈતિહાસમાં પણ છૂટાછેડાના કેસમાં આ ખૂબ મોટી રકમ માનવામાં આવે છે. કોર્ટે આ આદેશ તેમની પત્ની પ્રમિલા શ્રીનિવાસનના હિતોની રક્ષા માટે કર્યો છે.