Ahmedabad Kite Festival: દર વર્ષની જેમ આ વર્ષે પણ અમદાવાદના સાબરમતી રિવરફ્રન્ટ ખાતે આંતરરાષ્ટ્રીય પતંગ મહોત્સવનું ભવ્ય આયોજન કરવામાં આવ્યું છે. ઉત્તરાયણના પર્વ પૂર્વે યોજાયેલા આ મહોત્સવમાં સ્થાનિક પતંગબાજોની સાથે સાથે અન્ય રાજ્યો અને વિદેશથી આવેલા પતંગબાજોએ પણ ભાગ લીધો છે. આકાશમાં લહેરાતા વિવિધ પતંગો પ્રવાસીઓ માટે આકર્ષણનું કેન્દ્ર બન્યા છે. આ મહોત્સવમાં પતંગબાજોએ પોતાની કલા અને અનોખા પતંગોનું પ્રદર્શન કરીને સૌને મંત્રમુગ્ધ કરી દીધા છે.
