ક્રાઇમ બ્રાંચમાં ફરિયાદ નોંધાતાં બંને આરોપીઓની ધરપકડ : કપચીના ધંધામાં રોકાણ માટે પૈસા લઇ બંને આરોપીઓએ શરૂઆતમાં વળતર આપી પોત પ્રકાશ્યું
રાજકોટ, : રાજકોટમાં વડાલિયા ફૂડ્સ નામે નમકિનની કંપની ધરાવતા પરિવાર સાથે રોકાણ પર વાર્ષિક 12 ટકા જેટલું વળતર આપવાની લાલચ આપી રૂ. 10.98 કરોડની છેતરપિંડી અંગે બે આરોપી વિજય હરિભાઈ માકડિયા અને અમિત રમેશભાઈ ભાણવડિયા (રહે. બંને ફોર્ચ્યુન એક્ઝોટીક એપાર્ટમેન્ટ, મોટામવા) વિરૂધ્ધ ક્રાઇમ બ્રાંચમાં ફરિયાદ નોંધાઇ છે. જેના આધારે જીપીઆઈડી સહિતની કલમો હેઠળ ગુનો નોંધી બંને આરોપીઓની ધરપકડ કરવામાં આવી છે.