– નખત્રાણાના બે વેપારીબંધુઓની 14 વર્ષથી પડતી
– 115 તોલા સોનુ ગીરવે મુકી ૭૫ લાખ લીધા બાદ હવે સોની કહે છે, સોનુ મારી પાસે નથી! અન્ય વ્યાજખોરોની ચુંગાલમાંથી મુક્તિ અપાવવા પોલીસમાં રજુઆત
ભુજ: નખત્રાણામા અનાજ, રસકસ અને ખેત પેદાશના વ્યવસાય સાથે સંકળાયેલા બે વેપારી બંધુઓની છેલ્લા ૧૪ વર્ષથી પડતી હોઈ બંને ભાઈઓ વ્યાજના વિષચક્રમાં ફસાયા છે. બંને ભાઈઓએ ગત વર્ષે નખત્રાણાના જ એક સોની પાસેથી ૧૫ તોલા સોનુ ગીરવે મુક્યા બાદ હવે પરત ન આપતા પોલીસમાં રજુઆત કરાઈ છે. આ બંને વેપારી ભાઈઓએ વર્ષ ૨૦૧૨થી જુદા જુદા લોકો પાસેથી ૪ કરોડ ૪૪ લાખ ૨૫ હજાર વ્યાજે લીધા છે જેની સામે ૪ કરોડ ૭૧ લાખ ૫૦ હજાર વ્યાજ પેટે ચુકવી દીધા છે અને મૂડી ચુકવવાની હજુ બાકી છે.