– આગલા વર્ષ કરતા જંગલની આગની સંખ્યામાં ભારે વધારો
– હિમશીલાઓ ઝડપથી પીગળવાથી આગામી વર્ષોમાં દુર્ઘટનાઓ અને પર્યાવરણીય જોખમનું પ્રમાણ વધી શકે
– બરફની ઘટતું આવરણ અને સૂકી માટી સાથે વનનો જ્વલનશીલ કચરો શિયાળામાં પણ આગનું કારણ બની રહ્યા છે
નવી દિલ્હી : ભારતની મોસમી અપેક્ષાઓ પ્રભાવિત થઈ રહી છે કારણ કે પશ્ચિમી હિમાલયમાં શિયાળા દરમ્યાન બરફવર્ષાની બદલે હવે લગાતાર જંગલોમાં આગ લાગવાની ઘટનાઓ બની રહી છે. ઉત્તરાખંડ, હિમાચલ પ્રદેશ અને જમ્મુ-કશ્મીરના જંગલોમાં એવા મહિનાઓમાં આગની ઘટનાઓમાં ચિંતાજનક વૃદ્ધિ જોવા મળી છે, જે પારંપરિક રીતે હિમપાત માટે પ્રસિદ્ધ હતા. સેટેલાઈટ આધારીત વિશ્લેષણ અનુસાર ૨૦૨૪-૨૫ની સખામણીએ શિયાળામાં જંગલની આગની ઘટનાઓમાં છ હજારથી વધુનો વધારો થયો છે, જે દર્શાવે છે કે આ પૃવત્તિ હવે કોઈ અપવાદ નહિ, પણ અસામાન્ય રૂપે શુષ્ક શિયાળાથી પ્રેરિત વ્યાપક પારિસ્થિતિક ફેરફારનો હિસ્સો બની ચુકી છે.