Ahmedabad News: આમ તો, ગુજરાત ડ્રાય સ્ટેટ છે પણ રાજ્યમાં કોઈ ખૂણો એવો નથી કે જ્યાં દારૂ સરળતાથી મળતો ના હોય, પહેલા લોકો છુપાઈ છુપાઈને મહેફિલ કરતા પણ હવે સમય બદલાયો છે. માલેતુજાર લોકો શહેરની હદ બહાર પ્રાઈવેટ ફાર્મમાં મહેફિલ માણે છે. મહત્ત્વનું છે કે, થોડા મહિના અગાઉ સાણંદ પોલીસે એક ફાર્મમાં ચાલતી રેવ પાર્ટી પર દરોડો પાડીને અનેક નબીરાને રંગેહાથ ઝડપી પાડ્યા હતા. આમ છતાં, હજુ શીલજ, સાંતેજ અને ભાટ જેવા વિસ્તારોમાં આવેલા ફાર્મ હાઉસમાં દારૂ અને રેવ પાર્ટીનું બિનધાસ્ત આયોજન થતું રહે છે. આ સમગ્ર માહોલમાં શહેર પોલીસની કામગીરી પણ શંકાસ્પદ છે એવું સ્થાનિકો જણાવી રહ્યા છે.