Vadodara : છેલ્લા કેટલાક દિવસોથી વડોદરા શહેર તથા આસપાસના વિસ્તારોમાં મોબાઇલ અને ઇન્ટરનેટ નેટવર્કમાં વારંવાર ખામી જોવા મળી રહી છે. અગાઉ 2-જી સેવાના બદલે 3-જી નેટવર્ક શરૂ થતા સમયાંતરે 4-જી ને બદલે 5-જી નેટવર્કથી ખૂબ રાહત થઈ હતી. પરંતુ છેલ્લા કેટલાક દિવસથી 5-જી નેટવર્કના ધાંધિયા થવા માંડ્યા છે. જેમાં ક્યારેક અચાનક કોલ ડ્રોપ થવા, તો ક્યારેક ઇન્ટરનેટ સ્પીડ ખૂબ જ ધીમી થઈ જવાની સમસ્યાઓને કારણે સામાન્ય જનજીવન પર સીધી અસર પડી છે. આજના સમયમાં નેટવર્ક આધારિત વ્યવસ્થાઓ પર મોટાભાગનું કામકાજ નિર્ભર હોવાથી આ ખામી લોકો માટે ગંભીર હેરાનગતિનું કારણ બની છે.