India US Trade Deal Update : ભારત અને અમેરિકા વચ્ચે ટ્રેડ ડીલને લઈને ચાલી રહેલા તણાવમાં હવે ઘટાડો થઈ રહ્યો હોય તેવું લાગી રહ્યું છે. બુધવારે ઉચ્ચ અધિકારીઓએ પુષ્ટિ કરી છે કે, બંને દેશો વચ્ચે વાતચીતનો માહોલ અત્યંત સૌહાર્દપૂર્ણ છે અને ટૂંક સમયમાં કોઈ નક્કર પરિણામની આશા છે. સૂત્રોના જણાવ્યા અનુસાર, બંને દેશો આ ટ્રેડ ડીલને ‘તબક્કાવાર’ (Phased manner) લાગુ કરવા અંગે ચર્ચા કરી રહ્યા છે.
આ નિવેદન એટલા માટે પણ મહત્વનું છે કારણ કે થોડા દિવસો પહેલા જ અમેરિકી ટ્રેઝરી સેક્રેટરી સ્કોટ બેસેન્ટે સંકેત આપ્યો હતો કે, ભારતે રશિયા પાસેથી તેલની ખરીદી ઘટાડી હોવાથી હવે ટેરિફ ઘટાડવાનો રસ્તો ખુલી શકે છે.