– એએસડીમાં સ્ટેમ સેલ થેરપી મંજૂર ક્લિનિકલ ટ્રાયલમાં જ આપી શકાય
– દર્દી અને તેના પરિવારને પ્રમાણ વગરની સારવારની આશા દેખાડવી ખોટું અને અનૈતિક છે : સુપ્રીમની સ્પષ્ટતા
નવી દિલ્હી : ઓટિઝમ સ્પ્રેક્ટ્રમ ડિસઓર્ડર એએસડીની સારવાર અંગે સુપ્રીમ કોર્ટે મહત્વપૂર્ણ નિર્ણય લીધો છે. સુપ્રીમ કોર્ટે કહ્યું છે કે મંજૂર કરાયેલ દેખરેખ હેઠળના ક્લિનિકલ ટ્રાયલ સિવાય એએસડીના પીડિતોને સ્ટેમ સેલ થેરપીથી સારવાર ન આપી શકાય. મંજૂરી વગરના ક્લિનિકલ ટ્રાયલનો હિસ્સો ના હોય તેવી સ્થિતિમાં સ્ટેમ સેલ થેરપીથી સારવાર આપવી વ્યાવસાયિક બેદરકારી ગણવામાં આવશે.