ભારતીય વાયુસેનાએ ફયુલ તથા ટેકનિકલ મદદ પૂરી પાડી : સાઉદી અરેબિયામાં યોજાયેલા વર્લ્ડ ડિફેન્સ શોમાં ભાગ લેવા જતી વખતે 9 ફાઈટર જેટ અને એક ટ્રાન્સપોર્ટ વિમાને સામો લીધો
જામનગર, : દક્ષિણ કોરિયાના એરફોર્સના વિમાની કાફલાએ જામનગર એરફોર્સ સ્ટેશન પર ટુંકા રોકાણ માટે ઉતરાણ કર્યું હતું. સાઉદી અરેબિયા ખાતે વર્લ્ડ ડિફેન્સ શોમાં ભાગ લેવા જતા આ વિમાની કાફલાને ભારતીય વાયુસેનાએ ફ્યુલ તથા ટેકનિકલ મદદ પૂરી પાડી હતી. દક્ષિણ કોરિયાની એરફોર્સની એરોબેટિક ટીમ બ્લેક ઈગલ્સ ટીમે જામનગર એરફોર્સ સ્ટેશન ખાતે ટુંકું રોકાણ કર્યું હતું. ટીમના 9 T-50-B વિમાનો તથા એક C-130 ટ્રાન્સપોર્ટ વિમાન મળી કુલ 10 વિમાનોના કાફલાએ જામનગર એરફોર્સ સ્ટેશન ખાતે ઉતરાણ કર્યું હતું.