અમદાવાદ શહેરમાં બિઝનેસ અને ટ્રાન્સપોર્ટ ક્ષેત્રે વિશ્વાસઘાત અને છેતરપિંડીની ઘટનાઓ સતત વધી રહી છે. અગાઉ અનેક કંપનીઓમાં કામ કરતા કર્મચારીઓ દ્વારા જ કરોડો રૂપિયાની માલમત્તા હડપ કરી લેવાના કિસ્સાઓ સામે આવ્યા છે, ત્યારે વધુ એક ચોંકાવનારો મામલો બોડકદેવ વિસ્તારમાંથી સામે આવ્યો છે. સનસ્કાય લોજિસ્ટિક્સ (Sunsky Logistics) નામની અગ્રણી કંપની સાથે તેમના જ કર્મચારીઓ દ્વારા આશરે Rs 1.035 crore (રૂ. 1.035 કરોડ) ની કિંમતના ટ્રેલર અને વાહનો બાબતે મોટું ફ્રોડ આચરવામાં આવ્યું છે.

આંધ્રપ્રદેશ અને મુન્દ્રા મોકલેલા બે ટ્રક પરત ન આવ્યા

પ્રાપ્ત વિગતો અનુસાર, કંપની દ્વારા માલની હેરાફેરી માટે મોકલવામાં આવેલા બે ભારે વાહનો પૈકી એક ટ્રક આંધ્રપ્રદેશ અને બીજો ટ્રક મુન્દ્રા ખાતે મોકલવામાં આવ્યો હતો. નિયત સમય વીતી જવા છતાં આ બંને ટ્રક કંપની પરત ન ફરતા મેનેજમેન્ટની ચિંતા વધી હતી. ગત 15 સપ્ટેમ્બરના રોજ અચાનક જ આ બંને ટ્રકમાં લાગેલા જીપીએસ (GPS) ટ્રેકર્સ અને સિસ્ટમ બંધ કરી દેવામાં આવી હતી, જેથી વાહનોનું લોકેશન મળવાનું પણ બંધ થઈ ગયું હતું.

બોડકદેવ પોલીસ સ્ટેશનમાં ત્રણ કર્મચારીઓ સામે ફરિયાદ

પોતાની સાથે થયેલી આ ગંભીર છેતરપિંડી અને વાહનોની ઉચાપત અંગે કંપની દ્વારા ત્વરિત પગલાં લેવામાં આવ્યા છે. સનસ્કાય લોજિસ્ટિક્સના સંચાલકો દ્વારા નામજોગ ત્રણ કર્મચારીઓ સામે બોડકદેવ પોલીસ સ્ટેશનમાં સત્તાવાર ફરિયાદ નોંધાવવામાં આવી છે. બોડકદેવ પોલીસે ગુનો નોંધીને ફરાર થઈ ગયેલા ત્રણેય આરોપી કર્મચારીઓની શોધખોળ શરૂ કરી છે તેમજ આ આખી ઘટનામાં અન્ય કોઈની સંડોવણી છે કે કેમ તે દિશામાં પણ ઊંડાણપૂર્વક તપાસ હાથ ધરી છે.

આ પણ વાંચો : Vadodaraમાં હચમચાવી નાખતી ઘટના, નરસિંહજીની પોળમાં સોની પરિવારના ત્રણ સભ્યોએ કાયો સામૂહિક આપઘાત…!