યુવક પર થયેલા જીવલેણ હુમલાના ચકચારી કેસમાં કલોલ કોર્ટ દ્વારા એક મોટો અને કડક નિર્ણય લેવામાં આવ્યો છે. આ પ્રકરણમાં મુખ્ય આરોપી ભાવિન ગજ્જર સાથે સંડોવાયેલા અને હુમલામાં મદદગારી કરવાના ગંભીર આરોપનો સામનો કરી રહેલા સહ આરોપી અવન ગજ્જર દ્વારા કરવામાં આવેલી આગોતરા જામીનની અરજી કલોલ કોર્ટ દ્વારા ફગાવી દેવામાં આવી છે. કોર્ટના આ ચૂકાદાથી આરોપીની મુશ્કેલીઓમાં ભારે વધારો થયો છે અને કાયદાનો શિંકજો વધુ મજબૂત બન્યો છે.

હુમલામાં મદદગારી કર્યાનો હતો આરોપ

પ્રાપ્ત વિગતો અનુસાર, ગત સમયમાં એક યુવક પર કરાયેલા હુમલાની આ ઘટનામાં મુખ્ય આરોપી ભાવિન ગજ્જરની સાથે અવન ગજ્જર પણ સક્રિયપણે સામેલ હોવાનું પોલીસ તપાસમાં બહાર આવ્યું હતું. અવન ગજ્જર પર મુખ્ય આરોપીને આ ગુનાને અંજામ આપવામાં પ્રત્યક્ષ કે અપ્રત્યક્ષ રીતે સાથ આપવાનો અને મદદગારી કરવાનો આરોપ મૂકવામાં આવ્યો હતો. આ ગંભીર ગુનાની ગતિવિધિઓને ધ્યાનમાં રાખીને જ ન્યાયાલયે આરોપીને રાહત આપવાનો ઇનકાર કરી દીધો છે.

પોલીસ તપાસ ઝડપી બની

અગોતરા જામીન નામંજૂર થતાં જ કલોલ પોલીસ અને તપાસકર્તા અધિકારીઓ દ્વારા આરોપીને ઝડપી પાડવા માટેના ચક્રો વધુ તીવ્રતાથી ગતિમાન કરી દેવામાં આવ્યા છે. પોલીસ દ્વારા આ કેસમાં સંડોવાયેલા અન્ય પાસાઓ અને પુરાવાઓને મજબૂત બનાવવાની કવાયત ચાલી રહી છે. આગામી સમયમાં પોલીસ દ્વારા કાયદેસરની સઘન કાર્યવાહી કરીને વોન્ટેડ આરોપીઓની ધરપકડ કરવા માટે વિશેષ ટીમો કામે લગાડવામાં આવી હોવાનું જાણવા મળે છે.

આ પણ વાંચો : Ahmedabad News : દિવાળીમાં વતન જવાનો થનગનાટ, ગીતા મંદિર ડેપો પર મુસાફરોનું ઘોડાપૂર…