અમદાવાદ શહેરના નિકોલ વિસ્તારમાંથી એક અત્યંત સનસનાટીભર્યો અને ચોંકાવનારો કાયદાકીય મામલો સામે આવ્યો છે. એક પરિણીતાએ પોતાના જ પતિ વિરુદ્ધ બળાત્કાર (Rape) ની ગંભીર ફરિયાદ પોલીસ સ્ટેશનમાં નોંધાવી છે. આ ઘટનાને કારણે વિસ્તારમાં અને પોલીસ બેડામાં ભારે ચર્ચા જાગી છે. પ્રાપ્ત વિગતો અનુસાર, લગ્નજીવનની ગાડી માંડ પાટે ચડી રહી હતી ત્યાં જ પતિના ભૂતકાળ અને તેની દ્વારા આપવામાં આવેલી ખોટી માહિતીના કારણે સંબંધોમાં કડવાશ આવી ગઈ હતી અને મામલો પોલીસ સુધી પહોંચ્યો હતો.

ખોટી માહિતી આપીને કર્યા હતા લગ્ન

પોલીસ સમક્ષ નોંધાવવામાં આવેલી ફરિયાદ મુજબ, યુવકે લગ્ન અગાઉ યુવતીને પોતાની સાચી હકીકતો છુપાવીને ખોટી માહિતી અને ભ્રામક બાબતો જણાવીને લગ્ન કર્યા હતા. એટલું જ નહીં, જ્યારે યુવતી સગીર વયની હતી એટલે કે જ્યારે તેની ઉંમર માત્ર 16 વર્ષની હતી, તે સમયગાળા દરમિયાન પણ યુવકે તેની સાથે શારીરિક સંબંધો બાંધ્યા હોવાનું સામે આવ્યું છે. આ તમામ બાબતોની જાણ લગ્ન બાદ થતા પત્નીના પગ નીચેથી જમીન સરકી ગઈ હતી અને બંને વચ્ચે ઉગ્ર તકરાર શરૂ થઈ ગઈ હતી.

કાયદાકીય કાર્યવાહી શરૂ

લગ્ન પછી સત્ય બહાર આવતા અને છેતરપિંડીનો ભોગ બન્યાની અનુભૂતિ થતાં પીડિતાએ હિંમત દાખવીને પોલીસનો સંપર્ક કર્યો હતો. નિકોલ પોલીસ સ્ટેશન દ્વારા આ મામલે ગંભીર ગુનો નોંધીને કાયદેસરની કાર્યવાહી શરૂ કરવામાં આવી છે. પોલીસે પીડિતાની ડાક્તરી તપાસ અને નિવેદનો નોંધવાની સાથે-સાથે આરોપી પતિ વિરુદ્ધ કડક પુરાવા એકત્રિત કરવા માટેની કવાયત હાથ ધરી છે. આ કેસમાં કાયદાકીય પ્રક્રિયા આગળ વધતા આરોપીની મુશ્કેલીઓમાં મોટો વધારો થઈ શકે છે.

આ પણ વાંચો : Rajkotના ડેકોરા ગ્રુપના ચિરાગ પટેલની દારૂ પાર્ટીનો મામલો, માલવિયાનગર પોલીસ દ્વારા આરોપીની કડક પૂછપરછ…