અમરેલી નગરપાલિકા દ્વારા જેશીંગપરા સ્થિત પટેલ વાડી ખાતે શહેરી સેવાસેતુ કાર્યક્રમના 12મા તબક્કાનું આયોજન કરવામાં આવે છે. નગરપાલિકા પ્રમુખ વૈશાલીબેન માંગરોળીયાના અધ્યક્ષસ્થાને યોજાયેલા કાર્યક્રમમાં 13 વિભાગોની 55 પ્રકારની સેવાઓનો સ્થળ પર જ નિકાલ કરવામાં આવે છે. જેમાં 400થી વધુ શહેરીજનો વિવિધ સરકારી યોજનાઓનો લાભ લે છે.
આ કાર્યક્રમ દરમિયાન ગંગા સ્વરૂપા યોજના અને નિરાધાર વૃદ્ધ સહાય યોજના હેઠળના 18 લાભાર્થીઓને મંજૂરીના હુકમો એનાયત કરવામાં આવે છે. આ ઉપરાંત આવકના દાખલા, રેશનકાર્ડ, જન્મ-મરણના પ્રમાણપત્રો અને આધારકાર્ડ સહિતની સેવાઓનો નાગરિકો લાભ લે છે. સરકારી યોજનાઓ અંગે પણ નાગરિકોને માર્ગદર્શન પૂરું પાડવામાં આવે છે. આ પ્રસંગે નગરપાલિકાના કારોબારી ચેરમેન મૌલિક ઉપાધ્યાય, હોદ્દેદારો વિજય ચોટલીયા, ધર્મેશ અજાણી સહિતના આગેવાનો ઉપસ્થિત રહ્યાં હતા. ઉલ્લેખનીય છે કે, અમરેલી જિલ્લાની તમામ 10 નગરપાલિકાઓમાં શહેરી સેવાસેતુ કાર્યક્રમનું આયોજન કરવામાં આવે છે, જેના માધ્યમથી નાગરિકોને વિવિધ સરકારી સેવાઓનો લાભ એક જ સ્થળેથી મળી રહે છે.